ہفت روزہ حق موجود

اسلام آباد ۔ 5فروری (اے پی پی) وزیر داخلہ سینیٹر اے رحمن ملک نے کراچی میں ہونے والے بم دھماکہ کی شدید مذمت کرتے ہوئے آئی جی سندھ سے واقعہ کی فوری رپورٹ طلب کر لی ہے۔ جمعہ کو جاری ہونے مذمتی بیان میں وزیر داخلہ رحمن ملک نے کراچی میں حضرت امام حسین کے چہلم کے جلوس میں عزاداروں کی بس میں ہونے والے بم دھماکہ کی شدید مذمت کرتے ہوئے کہا ہے کہ معصوم لوگوں کو نشانہ بنانے والے مسلمان نہیں کہلا سکتے۔ ۔

ک

آج پاکستانی قوم کشمیری بھائیوں کے ساتھ اظہار یکجہتی کا دن منارہی ہے۔ نائن الیون کے بعد اس خطے میں دہشت گردی کے خلاف شروع کی گئی جنگ کے دوران کشمیر میں آزادی کی تحریک متاثر ہوئی۔ امریکا میں سانحہ نائن الیون کے بعد دہشت گردی کے خلاف جنگ میں فرنٹ لائن اسٹیٹ کا کردار ادا کرنے والے پاکستان کو جہاں کئی دیگر معاملات پر سخت نقصان اٹھانا پڑا وہاں کشمیر کی وہ تحریک آزادی بھی بری طرح متاثر ہوئی جس کے ساتھ پاکستانی عوام کی ایک خاص نظریاتی وابستگی تھی۔ امریکا نے بظاہر نائن الیون کے واقعے پر افغانستان کی سرزمین کو موردالزام ٹھہرایا لیکن دہشت گرد تنظیموں کی فہرست میں ان تمام پاکستانی تنظیموں کو بھی شامل کردیا جو کشمیر میں بھارتی جارحیت کے خلاف سرگرم تھیں۔

مبصرین کا کہنا ہے کہ حکومت پاکستان کا کشمیر ایشو کو پس پشت ڈالنے سے کشمیری قوم کو مایوسی ہوئی ہے۔کشمیر کے لئے کام کرنے والی کچھ تنظیمیں کالعدم ہوگئیں جبکہ مذہبی جماعتوں نے نائن الیون کے بعد اپنے آپ کو تحریک آزادی کشمیر کیلئے صرف بیانات تک محدود کردیا۔ مذہبی جماعتوں کے رہنما بھی یہ تسلیم کرتے ہیں کہ دہشت گردی کے خلاف جنگ میں امریکا کا ساتھ دینے والے حکمرانوں کی وجہ سے یہ تحریک متاثر ہوئی ہے۔پانچ فروری کو یوم یکجہتی کشمیر پرجوش انداز میں منانے سے مقبوضہ کشمیر کے بھائیوں کو جتنی خوشی ہوتی ہے، وہاں اگلے ہی روز اس ایشو کو دوبارہ سردخانے میں ڈال دینے پر انہیں اتنی ہی مایوسی ہوتی ہے۔

اسلام آباد ۔ 3 فروری (اے پی پی) صدر مملکت آصف علی زرداری سے گورنر پنجاب سلمان تاثیر نے بدھ کو ایوان صدر میں ملاقات کی۔ ملاقات کے دوران صوبہ میں امن وامان کی صورتحال، ترقی اور مجموعی سیاسی صورتحال پر تبادلہ خیال کیا گیا۔

پاکستان کے صوبہ سرحد کے علاقے لوئر دیر میں سکیورٹی فورسز کے ایک قافلے کے قریب ایک دھماکے میں حکام کے مطابق تین امریکی فوجیوں سمیت آٹھ افراد ہلاک اور ستّر زخمی ہوگئے ہیں۔

ہلاک ہونے والوں میں مقامی سکول کی تین بچیاں بھی شامل ہیں جبکہ زخمیوں میں سکول کی طالبات کے علاوہ ایک امریکی فوجی، پاکستانی فوج کے ایک کرنل اور پانچ سکیورٹی اہلکار بھی شامل ہیں۔

پولیس سربراہ ممتاز زرین نے بی بی سی کو بتایا کہ یہ واقعہ شاہی کوٹہ میں بلام بٹ کے مقام پر پیش آیا اور اس دھماکے میں سے قریب واقع لڑکیوں کے ایک سکول کو بھی شدید نقصان پہنچا ہے اور کئی طالبات ملبے تلے دب گئیں۔

پاکستانی فوج کے ترجمان میجر جنرل اطہر عباس نے بی بی سی سے بات کرتے ہوئے تصدیق کی ہے کہ ہلاک شدگان میں امریکی فوج کے تین میرینز بھی شامل ہیں جبکہ ایک امریکی فوجی اس دھماکے میں زخمی ہوا ہے۔

اس سے قبل دیر کے ڈی پی او نے بی بی سی کو بتایا تھا کہ ہلاک ہونے والے غیر ملکیوں کا تعلق یو ایس اے آئی ڈی سے تھا جو میدان میں ایک سکول کے معائنے کے لیے جارہے تھے۔ پولیس سربراہ کے مطابق دھماکے میں یو ایس ایڈ کی گاڑی مکمل طور پر تباہ ہوگئی جبکہ تین فوجی گاڑیوں کو نقصان پہنچا۔

خیال ہے کہ یہ دھماکہ ریمورٹ کنٹرول بم سے کیا گیا۔ اس دھماکے کے فوراً بعد سکیورٹی کے اہلکاروں نے علاقے کو گھیرے میں لے لیا۔

پولیس حکام کے مطابق دھماکے کے بعد پولیس سرچ آپریشن شروع کیا ہے اور ابھی تک مختلف علاقوں سے پچیس مشکوک افراد کو گرفتار کیا گیا ہے۔

اسلام آباد ۔ 8 اگست (اے پی پی) صدر مملکت آصف علی زرداری نے سپریم کورٹ کے 2 جج صاحبان جسٹس فقیر محمد کھوکھر اور جسٹس ایم جاوید بٹر کو فوری طور پر ملازمت سے ریٹائر ہونے کی اجازت دیدی ہے۔ صدر مملکت کے ترجمان سینیٹر فرحت اللہ بابر نے بتایا کہ 31 جولائی 2009ءکو سپریم کورٹ کے فیصلے کے بعد جسٹس فقیر محمد کھوکھر اور جسٹس ایم جاوید بٹر نے صدر سے فوری طور پر ملازمت سے سبکدوش ہونے کی درخواست کی تھی۔ صدر مملکت نے اس ضمن میں وزیراعظم کی طر ف سے بھیجی گئی سمری پر ہفتہ کو دستخط کر دیئے۔ ترجمان نے کہا کہ جسٹس فقیر محمد کھوکھر اور جسٹس ایم جاوید بٹر کو بالترتیب 10 جنوری 2002ءاور 31 جولائی 2004ءکو سپریم کورٹ کا جج تعینات کیا گیا

صدر زرداری سے وزیراعظم گیلانی اور مولانا فضل الرحمن کی ملاقات، ملک کی موجودہ سیاسی صورتحال پر تبادلہ خیال
وفاقی حکومت میں شامل اتحادی جماعتوں سے متعلق معاملات بھی زیر غور آئے

اسلام آباد ۔ 8 اگست (اے پی پی) صدر آصف علی زرداری سے وزیراعظم سید یوسف رضا گیلانی اور جمعیت علماءاسلام (ف) کے سربراہ مولانا فضل الرحمن نے ہفتہ کو یہاں ملاقات کی اور ملک کی موجودہ سیاسی صورتحال پر تبادلہ خیال کیا۔ ملاقات کے دوران امن وامان کی صورتحال اور نقل مکانی کرنے والے افراد کی بحالی اور بحفاظت واپسی سے متعلق امور پربھی بات چیت ہوئی۔ ملاقات میں وفاقی حکومت میں شامل اتحادی جماعتوں سے متعلق معاملات پر بھی غور کیا گیا۔