اسلام آباد ۔ 30 جون (اے پی پی) وفاقی وزیر صحت اعجاز احمد جاکھرانی نے کہا ہے کہ نئی صحت پالیسی منظوری کیلئے جولائی کے آخر تک کابینہ میں پیش کر دی جائے گی، ملک کو درپیش اندرونی اور بیرونی خطرات سے نمٹنے کیلئے سہ جہتی پالیسی پر عمل پیرا ہیں، بیرونی دباﺅ کے باوجود سوات میں قیام امن کیلئے نظام عدل کو قبول کیا، عسکریت پسندوں کی جانب سے حکومتی رٹ کو چیلنج کرنے پر مجبوراً آپریشن شروع کیا، صدر آصف علی زرداری نے اس وقت بھی ملک کو بچایا جب محترمہ کو شہید کر کے ملک توڑنے کی سازش کی گئی اور اب بھی ملک کو مسائل سے نکالنے کیلئے کوشاں ہیں۔